dalawampu’t walong taon na ang nakalipas nang ginamit ka ng Panginoon para ipanganak ako sa mundo. dalawampu’t walong taon na ang nagdaan, nang una mong nakita ang aking mukha at nasabi mong, sa wakas, pagkalipas ng sampung taon, binigay ka din Niya sa akin. dalawampu’t walong taon na ang lumipas nang sinimulan mo akong arugain, mahalin at higit sa lahat disiplinahin ( hehehe).
naalala ko sabi mo sa akin, ang pagmamahal ng isang ina ay hindi kailanman mapapantayan ng kahit na anong bagay sa mundo at maiintindihan ko lang yun kung dumating na pagkakataon na ako na ang maging isang ina. pero alam mo nanay, sa palagay ko maswerte po ako, dahil hindi pa man ako isang ina, alam ko na kung gaano kalalim ang pagmamahal mo sa akin. alam ko na kahit na sinong makausap mo, palagi mo akong binibida. alam ko na kahit na anong pagbalang na sagot ko sayo, parang kinukurot ang puso pero pag may kailangan ako sayo, andyan ka pa din at tumutugon. alam ko na tuwing gabi, wala kang hinihintay kundi ang tawag ko sa telepono at gusto mo lang marinig ang boses ko at malaman na maayos kami dito. akala mo nanay ha… alam ko lahat yan! =) at alam kong marami pang bagay ang hindi ko na iisa-isahin, na nagpaparamdam sa akin na mahal mo po ako ( syempre sasabihin mo sa akin, anak kita e!) hehehe…
at ngayon sa akin ikadalawampu’t walong kaarawan, ikaw ang unang inaalayan ko ng lahat ng mga pinagtagumpayan ko. hindi man ako sobrang magaling sa anumang bagay, pero ikaw ang number one na inaalayan ko ng kahit na anong ginagawa ko. kaya sayo nanay ko, ang super nanay sa buong mundo sa puso ko, salamat sa araw na ito. kung hindi dahil sayo at sa pagkakaloob ni Lord, wala akong kaarawang pinagdiriwang ngayong araw na to. ang araw na ito na pinagdiwang ko kasama ang ilang kaibigan at si trick, ang pinakamabait at mapagmahal na asawa sa buong mundo! wala na akong matulak kabigin, taas kamay ko 
sa iyo Lord, sayo nanay, at syempre sa aking mahal na mahal na makulit na tatay, sayo trick, sa buong picasos family, at sa inyo mga kaibigan, maraming salamat sa bati at maraming salamat sa pag-alala =) maligayang kaarawan din sa mga nagdiriwang ng kanilang kaarawan!
p.s. pagpaumanhinan na ninyo kung drama ang aking blog. wala mang organisasyon, pero diretsong bukal sa puso ang laman nito. =)
Recent Comments